lonesome and i took some comfort there..." -- the boxer
sa lilim ng punong nasa tabi ng kalye
may nakatayong disenteng babae
pakaway-kaway, ngingiti-ngiti
nag-aalala't may kalaliman na ang gabi
dalawa daw niyang kapatid ay pinapag-aral
dahil nasisante ang kanyang tatay
biglang nagkargasilya ang isang magarang lancer
bumukas ang bintana, dumungaw ang kustomer
kaagad niya itong nilapitan
gimik ng patron ay inalam
agad nagkasundo, konti lang ang usapan
kailangan daw niya'y pauna sa ospital
upang maipasok ang may sakit niyang nanay
sampung lilimampuin ang nasalok
para sa kaligayahang iniaalok
ang dilag ay nagmadaling sumakay
nang makaiwas sa parak at lagay
humagibis ang kotse, malamang pa-pasay
bukas,
tatayo uli
ang disenteng babae
sa lilim ng punong nasa tabi ng kalye
habang walang trabaho ang kanyang tatay
at nagpapagaling ang kanyang nanay
ang babaing ito ay magsisilbing parausan
nang ang kanyang pamilya'y makaraos din naman
/marso 13, 1988
ang dilag ay nagmadaling sumakay
nang makaiwas sa parak at lagay
humagibis ang kotse, malamang pa-pasay
bukas,
tatayo uli
ang disenteng babae
sa lilim ng punong nasa tabi ng kalye
habang walang trabaho ang kanyang tatay
at nagpapagaling ang kanyang nanay
ang babaing ito ay magsisilbing parausan
nang ang kanyang pamilya'y makaraos din naman
/marso 13, 1988
