'sandosenang helikopter and dumating
sa mga bayang nakalubog sa baha.
lubog.
lubog na lubog
ang mga bayan sa baha.
ibinaba.
ibinaba mula sa helikopter
ang mga bigas,
saku-sakong bigas.
ipinagulong.
ipinagulong mula sa helikopter
and mga de-lata,
kartun-kartong de-lata.
ipinakain.
maraming ipinakain
na kanin at de-lata.
binusog.
binusog nang husto
ang mga matatanda't mga batang
nakalutang sa baha.
lutang.
lutang na lutang
ang mga bata't matatanda sa baha.
nabarahan.
nabarahan ng de-lata't kanin ang bituka
ng matatanda't mga batang nakalutang
sa mga bayang nakalubog sa baha.
barado.
barado ang mga kanal
kaya lumubog ang mga bayan
at lumutang ang taumbayan.
babaha.
babaha at babaha pa.
(Published in UP Diliman Review, Vol. 36 No. 5, 1988. Back cover.)
ang mga matatanda't mga batang
nakalutang sa baha.
lutang.
lutang na lutang
ang mga bata't matatanda sa baha.
nabarahan.
nabarahan ng de-lata't kanin ang bituka
ng matatanda't mga batang nakalutang
sa mga bayang nakalubog sa baha.
barado.
barado ang mga kanal
kaya lumubog ang mga bayan
at lumutang ang taumbayan.
babaha.
babaha at babaha pa.
(Published in UP Diliman Review, Vol. 36 No. 5, 1988. Back cover.)